من طرف السلام عليكم إزيكوا ياقمرات
أنا جيبالكو خبر صدمنى قبل منكوا
المعلومه دي من طبيب مسالك بوليه
..الموضوع ومافيه إن والدتى كان عندها إلتهابات وراحت للدكتور وبعد الفحص والتحاليل سألها سؤال واحد..هو أنتى بتاكلى أو تشربي حاجه من الشارع؟؟ طبعآ كان رد أمي إننا مابنشربش غير عصير القصب كل مابنخرج وممكن نشربه أكتر من مره فى اليوم
الصدمه هنا بأه ياجماعه
إن الدكتور قام قايلنا أن عصير القصب أخطر عصير وبيضرنا جداااااا لأن الماكينة بتاعه عمل العصير فى بعض المحلات تترك بالشهور مابتتفتحش تتغسل وبالتالى بمجرد ماالراجل يفصل من بليل للصبح بيقوم يتجمع الحشرات والصراصير داخل الماكينة ونظرآ لأن الراجل ماغسلهاش تاني يوم مباشره قبل مايبدأ يشغلها فالحشرات دي بتدخل مع القصب أثناء العصر وإحنا مدمنين عصير القصب وماكانش ييجى فى بالنا حاجه زي دي أبدآ ولا كنا نتخيلها لأنه مشروب الشعب وكلنا سواء كبير أو صغير بأه حاجه أساسية يشرب العصير ده بس هنقول إيه غير حسبنا الله ونعم الوكيل فى أصحاب المحلات إللى ماعندهومش ضمير..
الدكتور قالنا إللي بيحب القصب يمصه أحسن مايشربه ويضر جسمه ده بالإضافه إنه بيقوى عضلات الفكين وصحى عن العصير..
