من طرف السلام عليكم ورحمة الله وبركاته
اكيد كلنا عندنا اصحاب كتير
واكيد فيه منهم الملتزمين والغير الملتزمين
بس المشكلة لما يبقى صاحبك الانتيم مش ملتزم
بتبقى زعلان اوي علشانه وهتموت علشان يلتزم خاصة لو كان انسان محترم وجواه خير
انا جاي انهاردة احكيلكم تجربتي مع الموضوع ده
وربنا يتقبل مني ومنكم
------
ليا صاحب من اعرفه من زمان من سنين
صاحبي ده محترم جدا وراجل جدا وخدوم وجدع وجواه خير كبير جدا
بس للاسف زيه زي معظم الشباب الشيطان ضاحط عليه شوية
مش في دماغه الدين للدرجة
يصلي شوية ويبطل شوية
بيسمع اغاني ويدخل سينما ويتفرج على افلام ويكلم بنات وهكذا
مقضيها يعني !
وطبعا هتقولولي وليه مكلمتوش وامره بالمعروف ونهيته عن المنكر ؟؟
هقولكم ما هي دي الطامة الكبرى!
صاحبي ده مش بيقبل ان اي حد يكلمه في الدين
ولو اديته كتاب او اي ورقة مش بيقراها
ومش بيقبل انه يسمع شيوخ اطلاقا في التليفزيون او على الجهاز او على الموبايل
غلبت اني احاول افتح معاه الموضوع بس للاسف كانك بتنادي في مالطا !
المهم..قدر ربنا اننا نجتمع مع بعض نذاكر قبل احد الامتحانات
وطول المدة اللي كنا مع بعض فيها كنت بحاول برده اني انصحه واكلمه ولكن مفيش فايدة!
لدرجة اني كنت بتخانق معاه هو وواحد صاحبنا كمان ساعة الاكل
كانوا هما بيبحبوا يشغلوا افلام ساعة الاكل وانا طبعا مش موافق
فكنت بقولهم اني هقوم اكل لوحدي لو مطفيتوش الفيلم فكانوا بيوافقوا مرغمين
ولكن لو جيت اشغل اي درس لشيخ كانوا بيعاندوا ومش بيرضوا خالص!!
وسبحان الله ..كنت في الفترة دي بدأت اقرا كتير عن الدعاء واليقين في الدعاء
وده خلاني اكتر جدا من الدعاء وانا على يقين كامل من الاستجابه
فقولت في نفسي ..انا لازم ادعي لصاحبي ده واكتر من الدعاء له ان ربنا يهديه
وكان اصحابي بيدخلوا يناموا الساعة 12 وانا بفضل الله وتوفيقه كنت بتوضا واروح صلي قيام الليل
وفي احد الليالي..صليت ما يسر الله لي ان اصلي ، ودعيت كتير وانا قلبي بيتقطع على صاحبي ان ربنا يهديه
وبعد ما خلصت الصلاة ، دخلت الاوضة وكان النور مطفي ،
ولسه بشيل المفرش علشان انام ؛ لقيت صوت بينادي عليا !!
انا انطربت !!
بصيت لقيته صاحبي اللي بحكيلكم عنه..
قولتله فيه ايه يا فلان ؟؟؟ ايه اللي صحاك دلوقتي ؟؟ ده انت بتنام سطيحة يا بني !!
قالي يا _______ أنا عايز اتوب ! انا عايز اتغير ! اتوب ازاي ؟؟
طبعا انا صعقت من الموقف !!
ايه ده ؟؟!!
استجابة فورية للدعاء بالشكل ده !!
قولتله هجاوبك على اسئلتك ،
بس انا عايزك تقولي الاول : انت ايه اللي صحاك دلقوتي ؟ وايه اللي خلاك عايز تتوب كده فجأة ؟؟
قالي معرفش ! بجد معرفش !
طبعا انا مصدقت انه قال انه عايز يتوب وقعدت اتكلم معاه لغاية الفجر
وكنت قاعد مذهول ، صاحبي فلان قاعد بيسمع كلام في الدين ومنصت وبيسأل ويستفسر ويتفاعل !!
ازاي الكلام ده !!
سبحان الله ..انا مكنتش مصدق نفسي الصراحة اطلاقا!
وتاني يوم ، لما جينا ناكل ، لقيته بيقولي شغيلنا شيخ كويس كده نسمعه!!
قولت لنفسي : لا بقى ، كده كتير اوي !
ده مكنش بيطيق يسمع سيرة الشيوخ ، هو اللي يقولي شغلنا شيخ !!
شغلته الشيخ حسان ، وعجب بيه جدا
لدرجة انه على طول بقى يقولي شغيلنا الشيخ ده كل ما نقعد ناكل!
واداني الموبايل وقالي امسح كل الاغاني والصور وحطلي قران وحاجات كويسة
وبفضل الله بقى يصوم نوافل ويقرا ورد قران ويصلي قيام ليل كمان
--------
انتهت قصتي ،،
وخلاصة الموضوع
ان الله على كل شئ قدير
مهما اخدت بالاسباب مع اصحابك علشان يلتزموا مش كفاية
لازم تدعي ربنا ، وعلى قدر اخلاصك في الدعاء ليهم وخوفك بجد عليهم
ربنا هيهديهم ويشرح قلوبهم للدين والالتزام
قال رسول الله صلى الله عليه وسلم :
(ما من قلب إلا وهو معلق بين إصبعين من أصابع الرحمن إن شاء أقامه وإن شاء أزاغه)
هذا ما اردت ان اقوله،
والله يقول الحق وهو يهدي سواء السبيل ،،
منقووووول
اكيد كلنا عندنا اصحاب كتير
واكيد فيه منهم الملتزمين والغير الملتزمين
بس المشكلة لما يبقى صاحبك الانتيم مش ملتزم
بتبقى زعلان اوي علشانه وهتموت علشان يلتزم خاصة لو كان انسان محترم وجواه خير
انا جاي انهاردة احكيلكم تجربتي مع الموضوع ده
وربنا يتقبل مني ومنكم
------
ليا صاحب من اعرفه من زمان من سنين
صاحبي ده محترم جدا وراجل جدا وخدوم وجدع وجواه خير كبير جدا
بس للاسف زيه زي معظم الشباب الشيطان ضاحط عليه شوية
مش في دماغه الدين للدرجة
يصلي شوية ويبطل شوية
بيسمع اغاني ويدخل سينما ويتفرج على افلام ويكلم بنات وهكذا
مقضيها يعني !
وطبعا هتقولولي وليه مكلمتوش وامره بالمعروف ونهيته عن المنكر ؟؟
هقولكم ما هي دي الطامة الكبرى!
صاحبي ده مش بيقبل ان اي حد يكلمه في الدين
ولو اديته كتاب او اي ورقة مش بيقراها
ومش بيقبل انه يسمع شيوخ اطلاقا في التليفزيون او على الجهاز او على الموبايل
غلبت اني احاول افتح معاه الموضوع بس للاسف كانك بتنادي في مالطا !
المهم..قدر ربنا اننا نجتمع مع بعض نذاكر قبل احد الامتحانات
وطول المدة اللي كنا مع بعض فيها كنت بحاول برده اني انصحه واكلمه ولكن مفيش فايدة!
لدرجة اني كنت بتخانق معاه هو وواحد صاحبنا كمان ساعة الاكل
كانوا هما بيبحبوا يشغلوا افلام ساعة الاكل وانا طبعا مش موافق
فكنت بقولهم اني هقوم اكل لوحدي لو مطفيتوش الفيلم فكانوا بيوافقوا مرغمين
ولكن لو جيت اشغل اي درس لشيخ كانوا بيعاندوا ومش بيرضوا خالص!!
وسبحان الله ..كنت في الفترة دي بدأت اقرا كتير عن الدعاء واليقين في الدعاء
وده خلاني اكتر جدا من الدعاء وانا على يقين كامل من الاستجابه
فقولت في نفسي ..انا لازم ادعي لصاحبي ده واكتر من الدعاء له ان ربنا يهديه
وكان اصحابي بيدخلوا يناموا الساعة 12 وانا بفضل الله وتوفيقه كنت بتوضا واروح صلي قيام الليل
وفي احد الليالي..صليت ما يسر الله لي ان اصلي ، ودعيت كتير وانا قلبي بيتقطع على صاحبي ان ربنا يهديه
وبعد ما خلصت الصلاة ، دخلت الاوضة وكان النور مطفي ،
ولسه بشيل المفرش علشان انام ؛ لقيت صوت بينادي عليا !!
انا انطربت !!
بصيت لقيته صاحبي اللي بحكيلكم عنه..
قولتله فيه ايه يا فلان ؟؟؟ ايه اللي صحاك دلوقتي ؟؟ ده انت بتنام سطيحة يا بني !!
قالي يا _______ أنا عايز اتوب ! انا عايز اتغير ! اتوب ازاي ؟؟
طبعا انا صعقت من الموقف !!
ايه ده ؟؟!!
استجابة فورية للدعاء بالشكل ده !!
قولتله هجاوبك على اسئلتك ،
بس انا عايزك تقولي الاول : انت ايه اللي صحاك دلقوتي ؟ وايه اللي خلاك عايز تتوب كده فجأة ؟؟
قالي معرفش ! بجد معرفش !
طبعا انا مصدقت انه قال انه عايز يتوب وقعدت اتكلم معاه لغاية الفجر
وكنت قاعد مذهول ، صاحبي فلان قاعد بيسمع كلام في الدين ومنصت وبيسأل ويستفسر ويتفاعل !!
ازاي الكلام ده !!
سبحان الله ..انا مكنتش مصدق نفسي الصراحة اطلاقا!
وتاني يوم ، لما جينا ناكل ، لقيته بيقولي شغيلنا شيخ كويس كده نسمعه!!
قولت لنفسي : لا بقى ، كده كتير اوي !
ده مكنش بيطيق يسمع سيرة الشيوخ ، هو اللي يقولي شغلنا شيخ !!
شغلته الشيخ حسان ، وعجب بيه جدا
لدرجة انه على طول بقى يقولي شغيلنا الشيخ ده كل ما نقعد ناكل!
واداني الموبايل وقالي امسح كل الاغاني والصور وحطلي قران وحاجات كويسة
وبفضل الله بقى يصوم نوافل ويقرا ورد قران ويصلي قيام ليل كمان
--------
انتهت قصتي ،،
وخلاصة الموضوع
ان الله على كل شئ قدير
مهما اخدت بالاسباب مع اصحابك علشان يلتزموا مش كفاية
لازم تدعي ربنا ، وعلى قدر اخلاصك في الدعاء ليهم وخوفك بجد عليهم
ربنا هيهديهم ويشرح قلوبهم للدين والالتزام
قال رسول الله صلى الله عليه وسلم :
(ما من قلب إلا وهو معلق بين إصبعين من أصابع الرحمن إن شاء أقامه وإن شاء أزاغه)
هذا ما اردت ان اقوله،
والله يقول الحق وهو يهدي سواء السبيل ،،
منقووووول
