البيتزا بتاعتى بالصور للغمراويات فقط

يلا يا بنات
دلوقتى انا هقولكم على طريقة البيتزا بتاعتى
هى دى الطريقة اللى انا بعملها من زمااااااااااااااااان والحمد لله بتعجب كل اللى يدوقها وياخد مقاديرها منى
وانا كمان مش هبخل عليكم بحاجة وجايبالكم الطريقة بالصور من الاول للاخر
طبعا مش احنا بلديات

يلا نبدأ بسم الله الرحمن الرحيم
المقادير
1/2كيلو دقيق - ذرة ملح - 2 ملعقة زيت - كوب زبادى - قطعة خميرة بيرة او ملعقة اكل خميرة فورية - تعجن بالماء الدافىء

الطريقة
1- نخمر الخميرة وهقولكم ازاى
(سواء كانت بيرة او فورية لازم نختبرها الاول بالتخمير الخارجى عشان لو فاسدة مش تبوظ العجينة كلها)
نحطها فى طبق ومعاها ملعقة سكر ونعجنها بشوية ميه دافيه وبعدين نحط عليها رشة دقيق وده شكلها

[img][/img]
نغطيها ونسيبها فى مكان دافئ لحد ما تبدا تخمر ويكون شكلها كده
[img][/img]
كده زى ماانتو شايفين الخميرة خمرت وملت الطبق

2- نبدأ نعجن العجينة هنحط الدقيق المنخول طبعا ومعاه ذرة الملح وعليه الزيت والزبادى والخميرة ونعجن بالميه الدافيه (الميه تكون دافيه مش سخنه عشان الخميرة متبوظش منك)
ونفضل نعجن فيها لحد ما تلم معانا مبدئيا هتحتاجى حوالى كوبايه ميه وبعدين ممكن تزودى بقى حسب العجينة ما تحتاج
لو حسيتى انها لسه ملمتش او مفروله تزودى ميه شويه بشويه يعنى بالملعقة مش تصبى عليها ميه
ولو حسيتى انك زودتى الميه تحطى دقيق بش رشة مش تقلب دقيق لحد ما العجينة تلم معاكى واهم حاجة انك تقعدى تعجنى فيها كتير المرحلة دى اللى بيسموها (اللت) لحد ماتبقى شكلها كده
[img][/img]
تغطيها وتسيبيها تخمر فى مكان دافى حوالى ساعة وده شكلها بعد الخمر

[img][/img]
نبدا بقى نجهز الصلصة ودى من اساسيات البيتزا طبعا
انا بضرب طماطم ومعاها قرن فلفل اخضر
وبعدين احطها عالنار مع زيت وخل وملح وفلفل وزعتر ومعلقة صلصة واسيبها تتسبك وده بيكون شكلها
[img][/img]
وانتى ممكن تعمليها زى ماانتى عاوزة يعنى ممكن تضيفى لها فص توم مهروس او ممكن تحطى معجون الصلصة بس على البيتزا زى ماتحبى
نبدا بقى نفرد العجينة فى الصوانى
القدار ده يعملك 2 صينية متوسطة
ادهنى الصوانى وافردى فيها العجينة بالسمك اللى تحبيه لو عاوزاها رفيعة او تخينة وانا بحب السمك الوسط يعنى لا كده ولا كده
ماشى يا اختشى منك ليها
فردتى العجينة؟؟؟
حطى بقى الصلصة عليها واتوصى شوية وبعدين رشى عليها جبنة موتزاريلا لو عاوزاها تبقى سايحة ونايحة زى بتاعت برده كده تحطى اجزء من الجبنة على الصلصة فى الاول وبعدين حطى الحشو اللى انتى تحبيه بقى
بالخضروات (طماطم- فلفل اخضر- زيتون)
بالسى فوود (جمبرى او سبيط )
بالسوسيس
باللحمة المفرومة
بالشاورمة (لحمة او فراخ)
اللى انتى تحبيه
وبعد ماتحطى الحشو رشى جبنة رومى مع موتزاريلا
[img][/img][img][/img]
ودخليها الفرن حوالى 1/3ساعة
ودى بعد ماخرجت من الفرن
[img][/img]
شايفين حلوة ازاى
طيب طبعا شاميين الريحة
وااااااااااااااااو
[img][/img]
شايفين سايحة ازاى وشكلها خطيييييييييييييييير
وادى طبق البيتزا للقمرات
[img][/img]
انا كده خلصت
اروح اكمل اكل الصينية بقى

اتفضلوا معانا
ياااااااااااااااااااااارب تعجبكم

بحبكم فى الله
السلام عليكم

تحفة يا دودو ايه الحلاوة دى

انا نفسى اشترى صينية زى دى معنديش صوانى من دى

تسلم ايديكى جوعتينى

شكلها باين عليها انها هشة وحلوة
تسلم ايديكى يا دودو
انا كنت ناويه اعمل بيتزا بالتونة
انا هعملها بطريقتك يا دودو

Admin كتب:تحفة يا دودو ايه الحلاوة دى

انا نفسى اشترى صينية زى دى معنديش صوانى من دى

تسلم ايديكى جوعتينى

الله يخليكى يا جيجى
اتفضلى بالف هنا وشفا
وبعدين مش لازم صوانى من دى يعنى اعمليها فى اى حاجة
عارفة فى ناس بتعملها على ظهر الصينية
يابنتى الجيش بيقولك اتصرف
هههههههههههههه
نورتى الموضوع يا جيجى

sweet moon كتب:شكلها باين عليها انها هشة وحلوة
تسلم ايديكى يا دودو
انا كنت ناويه اعمل بيتزا بالتونة
انا هعملها بطريقتك يا دودو

تسلمى يا sweet mooon
بالتونة بتبقى جميلة برده
جربيها وقوليلى وبالف هنا وشفا
نورتينى

الله الله على الفن والابدااااااااااااااع

انا بقى بكل أسف خيييييييبه فى البيتزا لما أحب اكولها بشتريها من بره
بس دلوقتى خلالالالالالالالالاص معايا الشيف دودو
وهجرب أعملها وأقولك النتيجه
بس لو باظت هبعتهالك فى طرد ههههههههههههههه

بجد الطريقه سهله جدااااااااااا
تسلم اديكى يا دودو
بس انا عايزه طبق لوحدى

يا هوبه يا قمر الصنية كلها ليكى
وبعدين بلاش حجج بقى انتى اللى كسلانة
هى فعلا سهلة جدا جربيها ولو عجبتك ادعيلى ولو باظت منك يبقى انتى السبب طبعا
هههههههههههه
بالف هنا يا قمر وجربى وبوظى لحد ماتتعلمى

تسلميلنا يا دودو

تسلمى يا جيجى
وبالف هنا وشفا وصحه